Movie Reviews

पॅडमॅन अरुणाचलम मुरुगनंथम!

अरुणाचलम मुरुगनंथम! भारतातल्या तामिळनाडू राज्यातल्या कोईम्बतुरमधल्या अरुणाचल मुरुगनंथम या तरुणानं भारतातले २३ राज्यात आणि १०६ देशांमध्ये आपली सॅनिटरी पॅड बनवण्याची मशीन तयार केली आणि पोहोचवली आणि अतिशय स्वस्त दरात स्त्रियांसाठी सॅनिटरी नॅपकिन्स बनवण्याची सुविधा निर्माण केली. स्त्रियांना रोजगार उपलब्ध झाला. पुरेसं शिक्षण नसतानाही केवळ स्त्रियांचं दुःख न बघवलं गेल्यानं मुरुगनंथमनं एकच ध्यास घेतला, पदोपदी वाट्याला अपमान, कुचेष्टा, उपेक्षा आणि बदनामी आली. पण तो काम करतच राहिला आणि अखेर आपल्या ध्येयप्राप्तीत तो यशस्वी झाला. पुढे वाचा

आम्ही दोघी!!!

आम्ही दोघी
गौरी देशपांडे हे नाव स्वतःचं अस्तित्व आणि स्वातंत्र्य जपू पाहणार्‍या प्रत्येक स्त्रीच्या मनात ठसलेलं आहे. गौरी खरंच प्रत्येकीच्या मनामनात जाऊन बसलेली आहे. तिच्या ‘पाऊस आला मोठा’ या कथेवर आधारित चित्रपट 'आम्ही दोघी' प्रदर्शित झाला आणि मी प्रतिमाला लगेचच बघते असा शब्द दिला. दिग्दर्शक म्हणून प्रतिमा जोशी हिचा हा पहिला चित्रपट! पण त्याआधीची अनेक वर्ष ती नाट्य-चित्रपट क्षेत्राशी जोडलेली आहे, त्यात सक्रिय आहे. अमोल पालेकर, चंद्रकांत कुलकर्णी यांच्याबरोबर तिनं अनेक चित्रपटांचं साहाय्यक दिग्दर्शक म्हणून काम बघितलं आहे. पुढे वाचा

आपला मानूस!

आपला मानूस!
'आपला मानूस' आपल्या माणसांबरोबर बघितला. 'आपला मानूस' हा अजय देवगण निर्मित आणि सतीश राजवाडे दिग्दर्शित मराठी चित्रपट 'काटकोन त्रिकोण' या डॉ. विवेक बेळे लिखित नाटकावर आधारित आहे. नाना पाटेकरची भूमिका नाटकात डॉ. मोहन आगाशे यांनी वठवली आहे. नाटक आणि चित्रपट यांची दोहोंची तुलना मला करायची नाही. मी चित्रपटाकडे स्वतंत्र दृष्टीनं बघणार आहे. रहस्य, नातेसंबधातली ओढाताण या दोन गोष्टींभोवती चित्रपट फिरत राहतो. पुढे वाचा

फिश करी

फिश करी
काल रात्री नेटफ्लिक्सवर सहा महिन्यांपूर्वी (ऑगस्ट २०१७) प्रदर्शित झालेला 'फिश करी' हा बंगाली चित्रपट बघितला. या चित्रपटाची कथा, पटकथा, संवाद, दिग्दर्शन या सगळ्या आघाड्या प्रतीम गुप्ता यानं सांभाळल्या आहेत. चित्रपटातली दोन गाणी रवींद्रनाथ टागोर आणि अनुपम रॉय यांनी लिहिलेली आहेत. अनुपम रॉय हेच संगीतकार आहेत. यातल्या प्रमुख भूमिकेत ऋत्विक चक्रवर्ती आणि ममता शंकर आहेत. खरं तर हा चित्रपट खूप वेगळा, असाधारण, वेगळं दिग्दर्शन असा काही नाही. तरीही हा चित्रपट भावतो. कुठेही तो कंटाळवाणा होत नाही. पुढे वाचा

मंत्र - प्रीमियर शो - city pride, kothrud

मंत्र हा चित्रपट रविवारी बघितला. सौरभ गोगटे हा आयटी मधला तरुण एके दिवशी सगळं सोडून चक्क मुंबईत अभिनय करण्यासाठी पोचला. त्याची दिल्या घरी तू सुखी राहा ही मालिका गाजली. मी अनेकदा crime पेट्रोल बघते आणि त्यातल्या अनेक भागात सौरभ गोगटेला बघते. हा मुलगा खूप चांगला अभिनय करतो!!! पुढे वाचा

न्यूड सिनेमा - ना भिडणारा, ना सुन्न करणारा

न्यूड चित्रपटाबद्दल बरंच काही ऐकलं होतं. त्यामुळे काल आसावरी आणि मी हा चित्रपट बघितला. चित्रपटगृहात मोजून २० प्रेक्षक! हरकत नाही, दर्दी प्रेक्षक कमीच असतात अशी समजूत करून घेऊन चित्रपट बघायला सुरुवात केली. छाया कदम, कल्याणी मुळे, किशोर कदम, नेहा जोशी, ओम भूतकर आणि पाहुणा कलाकार म्हणून नसिरुद्दिन शाह यांच्या भूमिका असलेला हा चित्रपट रवी जाधव यानं दिग्दर्शित केलाय. दोन तास आणि २४ मिनिटांची लांबी असलेल्या चित्रपटाची पटकथा मुळातच ढिसाळ आहे. नग्नतेवर भाष्य करण्यासाठी कथेची मांडणी खूप खोलवर असणं आवश्यक होतं. पुढे वाचा

कारवां गुज़र गया, गुबार देखते रहे। - एक तरोताजा अनुभव!

कारवां गुज़र गया, गुबार देखते रहे। - एक तरोताजा अनुभव!
मी होकार दिला होता, एक नवा अनुभव घेण्यासाठी! त्याप्रमाणे मला सकाळी सकाळी एक फोन आला. मला सायंकाळी साडेसात वाजता सनसिटीतल्या 'गार्डन इन' हॉटेलला पोहोचायचं होतं. तिथे मला एकजण भेटणार होता आणि पुढे घेऊन जाणार होता. एकूणच सगळं प्रकरण थ्रिलिंग होतं. पुढे वाचा

थिएटर फ्लेमिंगो आणि ओझं!!!

मिणमिणता दिवा.....कधी विझेल तो त्याचा नेम नाही........दहा बाय दहाची खोली आणि त्या खोलीत एका कोपर्‍यात बसलेला साध्याशा कपड्यातला तरूण....बहुतेक हा गावाकडला असावा....पुढे कधीतरी शहरात जाऊन स्थिरावला असावा असा अंदाज मी मनाशी बांधत होते........तो संवाद साधायला लागला आणि कळलं की तो एका चिमुकल्या गावातलाच मुलगा....तो आणि त्याचा भाऊ ....त्यांच्या कितीतरी आठवणी.....भाऊ काही शिकला नाही, रानात बकर्‍यांना चरायला नेत राहिला...मोठा झाल्यावर शेती करत राहिला.....आणि हा माझ्यासमोर बसलेला तरूण मात्र मोठ्या भावाच्या प्रोत्साहनानं शिकला.......भावानं त्याच्या शिक्षणात कुठलीच अडचण येऊ दिली नाही.........शिकून सव पुढे वाचा

हॅस अर्नेस्टो टॅग गव्हेरा - एक थरार !!!

एक वादळ, एक बेभान व्यक्तिमत्व, एक प्रेरणा, एक बंडखोरी....असं काही म्हटलं की समोर येतो मिलिटरीचा युनिफॉर्म चढवलेला, ओठात चिरूट शिलगवलेला, बेदरकार चेहर्‍याचा तो - हो तोच तो 'चे गव्हेरा'! लॅटिन अमेरिकेतल्या जवळपास सगळ्या राष्ट्रांमधल्या युवांचा हीरो असलेला 'चे गव्हेरा'! क्युबातल्या, ग्वाटेमालातल्या, निकराग्वातल्या, बोलेव्हियातल्या लाखो लोकांचा हा नेता - अल्पावधीत आख्ख्या जगाचा लाडका नेता बनला. त्यांचे शर्ट्स, त्यांचे टीशर्ट्स, त्यांचे कॉफी मग्ज, त्यांचे ग्लासेस, त्यांच्या खोल्यांच्या भिंतीवरची पोस्टर्स या सगळ्यांवर 'चे गव्हेरा'ची छबी झळकत असायची. हा 'चे' तरुणाईच्या गळ्यातला ताईत बनला. पुढे वाचा

हाफ तिकीट

झोपडपट्टीतली दोन भावंडं, एकाचं वय आठ वर्षं आणि दुसर्‍याचं पाच ते सहा.....वडिलांना कुठल्याशा कारणानं तुरुंगवासात जावं लागलंय आणि या मुलांची आई दिवसभर शिलाईकाम करून पैसे कमवतेय आणि नवर्‍याला सोडवण्यासाठी वकिलाच्या दारी खेटे घालतेय. पुढे वाचा

गुलाबजाम

मध्यंतरी ‘फिश करी’ हा बंगाली चित्रपट बघितला होता आणि खूप आवडलाही होता. त्यानंतरचे दिवस प्रवास आणि काम यात कसे गेले कळलंच नाही. आज अपूर्वने ‘गुलाबजाम’ लावून दिला. मी हळूहळू त्यात गुंतत गेले. कथानकाचा भाग झाले. चेहर्‍यावर कधी हासू तर कधी डोळ्यांमधून आसवं आली..... पुढे वाचा

शोभायात्रा - शफाअत खान

शोभायात्रा - शफाअत खान खूप वर्षं झाली, कुठल्यातरी कारणानं काही कामानिमित्त औरंगाबादहून पुण्यात आले आणि बालगंधर्वला ‘शोभायात्रा’ हे नाटक बघितलं. नाटक संपल्यावर यातल्या बापट (महात्मा गांधी) या पात्राला म्हणजेच, माझ्या मोठ्या भावाचा मित्र - नंदू माधव याला भेटले. सगळ्यांचीच कामं उत्तम झाली होती. त्या वेळी शफाअत खान या माणसाची या नाटकाच्या लिखाणातून पहिल्यांदा ओळख झाली. पुढे वाचा

Manto

मंटो हिंदुस्थान जिंदाबाद, पाकिस्तान जिंदाबाद
चिखते चिल्लाते नारोंके बिच कई सवाल थे
मै किसे अपना मुल्क कहूँ,
लोग धडाधड क्यों मर रहे थे
इन सब सवालोंके मुख्तलिफ जवाब थे
एक हिंदुस्थानी जवाब, एक पाकिस्तानी जवाब
एक हिंदू जवाब एक मुसलमान जवाब
कोई इसे १८५७ की खंडहरोमे ढुंढता है,
तो कोई इसे मुघले हुकूमत के
मलबेमे टटोलनेकी कोशीश करता है
सब पिछे देख रहे है, मगर आज के कातील
लहू और लोहे से तारीख लिखते जा रहे है
ये मजमून सुनाते सुनाते आप सबसे मार खा लुंगा
हिंदू मुस्लीम फसाद मे गर कोई मेरा सर फोड दे पुढे वाचा

इरूल

आजच म्हणजे 2 एप्रिल 2021 या दिवशी प्रदर्शित झालेला गूढ, रहस्यमय, गुन्हेगारी, थरार निर्माण करणारा असा इरूल हा मल्याळम चित्रपट बघितला. आवडला कारण यातही आपला लाडका फहाद फासिल आणि सौबिन शाहीर (कुम्बलिंगी नाईट्समधला सगळ्यात मोठा भाऊ) यांची जबदरस्त जुगलबंदी दाखवलेली आहे. त्यांच्यासोबत दर्शना राजेंद्रन ही अभिनेत्री आहे. पुढे वाचा

कारवाँ.....तलाश है!!!!

धन्यवाद, फेसबुकमित्र प्रशांत पाटील Prashant Patil यांना. ज्यांच्या आग्रहामुळे मी दोन महिन्यांपूर्वी प्रदर्शित झालेला ‘कारवाँ’ हा चित्रपट बघितला. चांगले चित्रपट, त्या ठरावीक कालावधीच्या प्रवासात आपल्यालाही बरोबर घेऊन जातात. त्यातलं नाट्य, त्यातलं कथानक, त्यातली पात्र, त्यातले प्रसंग, त्यातल्या घटना, सगळं काही समोर खरं खरं घडत नाहीये हे कळत असूनही चित्रपट बघताना त्यात मन इतकं गुंतलं जातं की त्या पात्रांच्या दुःखात मन तितकंच कासावीस होतं, डोळ्यांतून अश्रू कोणाचीही पर्वा न करता ओघळू लागतात. त्या पात्रांच्या आनंदाच्या क्षणात मनही सुखावतं. पुढे वाचा