Movie Reviews

समाजस्वास्थ्य

माझ्यातल्या हट्टी मुलीला सांभाळणं अपूर्व कायम हसतमुखानं करत असतोच. आजही त्याचं न ऐकता मी ‘आज 'समाजस्वास्थ्य'ला दोघांनी जायचंच’ हे जाहीर करून टाकलं होतं! भरतनाट्य मंदिरचं वातावरण नेहमीप्रमाणे फुललेलं होतं.....तिथं पोहोचताच सदानंद मोरे, अतुल पेठे, देविका दफ्तरदार, नीला लिमये वगैरे दिसले/भेटले......धनूकृपेने समोरच आसनव्यवस्था मिळालेली होती. अपूर्व, मी, मंजू आणि नुपूर स्थानापन्न झालो आणि नाटकाला सुरुवात झाली.  पुढे वाचा

या दिल की सुनो दुनियावालो.......अनुपमा

मी त्या वेळी ११-१२वीत असेन, औरंगाबादला रॉक्सी सिनेमागृहात ‘अनुपमा’ हा चित्रपट मॉर्निंग शो बघितला होता. कुठल्या मैत्रिणीबरोबर बघितला हे आज नक्की आठवत नाही. पण स्वतःच्या कोषात गुरफटलेली, संकोची, लाजाळू, भित्री, अबोल अशी शर्मिला टागोर मात्र चांगलीच लक्षात राहिली. नेहमीप्रमाणे हा चित्रपट बघितल्यावरही खूप खूप रडले होते आणि नंतरचे काही दिवसही त्याच बधिर मूडमध्ये गेले होते.  पुढे वाचा

सौ. शशी देवधर

आजच झी-५ वर 'सौ. शशी देवधर' हा चित्रपट बघितला. हा एक सायकॉलॉजिकल थ्रिलर आहे, त्यामुळे साहजिकच हा चित्रपट बघण्याकडे माझा कल वळला. २०१४ साली प्रदर्शित झालेल्या या चित्रपटाची निर्माती शिल्पा शिरोडकर असून अमोल शेटगे हा या चित्रपटाचा दिग्दर्शक आहे. पुढे वाचा

अव्यक्त प्रेमाची तिसरी कसम!

लहानपणी कधीतरी बघितलेला, त्या वेळी न समजलेला ‘तिसरी कसम’ हा चित्रपट आज पुन्हा बघितला. सध्या फणीश्वरनाथ रेणू या साहित्यिकाचा अभ्यास करताना त्यांच्या ‘मारे गये गुलफाम’ या साहित्यकृतीवर आधारित 'तिसरी कसम' चित्रपट बनवलेला असल्यानं तो बघण्याचा मोह झाला. हा चित्रपट विख्यात गीतकार शैलेंद्र यांनी १९६६ साली निर्माण केला होता. बासू भट्टाचार्य यांचं दिग्दर्शन होतं. या चित्रपटाला सर्वोत्कृष्ट चित्रपट म्हणून राष्ट्रपती पुरस्कारानं, राष्ट्रीय पुरस्कारानं गौरवलं गेलं. मात्र तिकीट खिडकीवर हा चित्रपट दणकून आपटला. खरं तर यात राजकपूर आणि वहिदा रहेमान हे त्या वेळचे लोकप्रिय कलाकार होते.  पुढे वाचा

शांतता! कोर्ट चालू आहे.

'शांतता! कोर्ट चालू आहे' हे नाटक पुन्हा एकदा जरूर जरूर पहा. विजय तेंडुलकर यांनी लिहिलेलं आणि जिगिषानं सादर केलेलं हे नाटक आज यू-ट्यूबवर बघितलं. भारतभर गाजलेलं हे नाटक चौदा भाषांमध्ये अनुवादित झालं. चंद्रकांत कुलकर्णी ऊर्फ चंदू यानं हे नाटक पुन्हा एकदा सादर करून डीव्हीडीच्या स्वरूपातही नाट्यरसिकांसाठी आणलं. संदीप कुलकर्णी, आनंद इंगळे, निवास भिसे, विघ्नेश जोशी, समीर चौघुले, मेधा जांभोटकर आणि रेणुका शहाणे यांचा अभिनय अप्रतिम! चंद्रकात कुलकर्णीचं दिग्दर्शन अर्थातच उत्कृष्ट....मनाला थेट स्पर्श करणारं, गुंतवून ठेवणारं सादरीकरण! पुढे वाचा

आणि काय हवं?

खरं तर मी मराठी आणि हिंदी कुठल्याही मालिका बघत नाही. त्यामुळे माझं त्याबाबतचं सामान्यज्ञान अगदीच कमी आहे. म्हणजे जवळ जवळ नाहीच. पण अपूर्व किंवा त्यातल्या जाणकार माणसानं मला सुचवलं की मी लगे हातो बघून टाकते. तसंच काहीसं या वेब सीरिज बाबत झालं.  फेसबुक मित्र डॉ. प्रशांत पाटील यांनी सुचवल्यामुळे ‘आणि काय हवं?’ ही सहा भागांची सिझन टूची वेबसीरिज एका दमात बघून संपवली. लईच आवडली. मोगॅम्बो एकदम खुश हो गया! पुढे वाचा

जगण्याला समृद्ध करणारं मैत्र, वाचन आणि चित्रपट! - कानून

२०१९ नं मला खूप चांगले दोन मित्र दिले. प्रदीप चंपानेरकर आणि हेमंत पाटील! हेमंत पाटील हे आयआयटीचे निवृत्त प्रोफेसर! बुद्धिमान, दिलखुलास स्वभाव, संगीत, साहित्य, कला आणि क्रीडा अशा सगळ्याच गोष्टींमध्ये रस असलेले! त्यांच्याशी बोलताना वेळ कुठे जातो, पत्ताच लागत नाही आणि तरीही गप्पा सरलेल्या नसतात. हेमंत पाटील यांच्याविषयी लवकरच माझे अनुभव लिहीनच.  पुढे वाचा

डोळ्यात झणझणीत अंजन घालणारा प्रयोग - अपूर्व मेघदूत

१८ डिसेंबर, रविवार २०१६ हा दिवस मानसिक आणि शारीरिक दोन्हीही रीतीनं अतिशय वाईट्ट गेला. झालेल्या मनःस्तापानं आजारपण ओढवलं आणि दिवसभरातले सगळेच कार्यक्रम चौपट झाले. त्यातच स्वाती राजे या मैत्रिणीला कबूल करूनही तिच्या बालगंधर्वला असलेल्या ‘भाषा’ कथायात्री कार्यक्रमाला जाऊ शकले नाही. मात्र त्याच संध्याकाळी स्वागत थोरातशी मेघदूतविषयी चॅटिंग झालं आणि त्यानं 'याच' असा आग्रह केला. मी ‘नक्की येते’ सांगितलं आणि आसावरीला फोन करून जायचं ठरवलं.....काल रात्री ९ वाजता यशवंतराव चव्हाण नाट्यगृहात शो होता. पुढे वाचा

तलवार

'तलवार' हा चित्रपट बनायला हवा होतं की नाही यावर दुमत होऊ शकेल.  मेघना गुलजारनं दिग्दर्शित केलेला हा चित्रपट आज आर डेक्कनला सकाळी ९ वाजता बघितला. त्याआधी अनेक वेळा बघितलेली नुपूर तलवारची मुलाखत, प्रत्येक चॅनेलवर बघितलेली बातमी, प्रत्येक वेळेला आरुषी हत्याकांडानं घेतलेलं वळण माहीत होतंच. त्यामुळे हा चित्रपट बघायचाच हे मनाशी नक्की झालं होतं. प्रत्यक्ष चित्रपट बघताना मेघना गुलजारनं इतक्या लहान वयात किती संयतपणे हा चित्रपट हाताळलाय याची साक्ष पटली. पुढे वाचा

मसान

मसान या चित्रपटात दुष्यंत कुमारची अप्रतिम गजल  आहे. बस्स, आत्ताच अनुराग कश्यपचा हा चित्रपट बघितला. यात विकी कौशल, रिचा चड्ढा, श्वेता त्रिपाठी, संजय मिश्रा यांनी अतिशय ताकदीचा सहज सुंदर अभिनय केला आहे.  पुढे वाचा

माय वाईफस मर्डर

आताच बघितला आणि आवडला!!!! जरूर बघा!!! "माय वाईफस मर्डर" हा २००५ साली प्रदर्शित झालेला मूळ तेलगु चित्रपटाचा रिमेक. तेलगु चित्रपटाचं दिग्दर्शन राम गोपाल वर्माने केलं होतं, तर हिंदीचं जिजी फिलीप यानं. हा चित्रपट बघताना थोडीफार दृश्यम या अजय देवगणच्या चित्रपटाची आठवण होते. "माय वाईफस मर्डर" या चित्रपटातला अनिल कपूरचा अभिनय लाजबाब आहे.  पुढे वाचा

डॉ. प्रकाश बाबा आमटे

काल दुपारी अखेर डॉ. प्रकाश बाबा आमटे हा चित्रपट बघितला. चित्रपट मराठी असूनही हाऊसफुल्ल होता. नाना पाटेकर भूमिका अगदी जगलाय. त्याची नेहमीची फटकेबाज संवाद शैली इथे चुकुनही दिसली नाही. सोनालीचा अभिनय देखील तितकाच ताकदीचा वाटला. चित्रपट अनेक अंगांनी बोलतो. पुढे वाचा

दोन शून्याची बेरीज

आज सायंकाळी भरत नाट्य मंदिर येथे माझ्या मित्राची धनंजय सरदेशपांडे याची प्रमुख भूमिका असलेलं दोन शून्याची बेरीज हे दोन अंकी नाटक बघायला गेले. कॉलेजपासून बरोबर असलेला माझा हा  मित्र खूप कष्टाळू आणि स्वभावाने एकदम साधा सरळ ....नाटकाची आवड असणारा ...आम्ही बरोबर देखील काही नाटकं केली...अभिनय हा माझा भूतकाळ झाला पण तो मात्र बालनाट्य आणि लेखन कार्यशाळा आणि इतर अनेक गोष्टी सातत्त्याने करत राहिला. 
त्याने काही मराठी चित्रपटातूनही  लहानमोठ्या भूमिका केल्या. पण आजचं नाटक आणि त्याची लेखकाची त्यातली भूमिका खूपच जबरदस्त होती  पुढे वाचा

इन्टर्न

रॉबर्ट डिनेरो हा अतिशय लोकप्रिय असलेला अभिनेता - त्यानं ‘टॅक्सी ड्रायव्हर’ या १९७६ साली प्रदर्शित झालेल्या चित्रपटात धूम मचवली होती. अतिशय सहजसुंदर अभिनय हे त्याचं वैशिष्ट्य! त्याची मुख्य भूमिका असलेला 2015 साली प्रदर्शित झालेला ‘इन्टर्न’ हा चित्रपट नुकताच बघितला. पुढे वाचा

ऑस्करच्या प्रतीक्षेत -‘अरायव्हल’

ऑस्करसाठी ८ नामांकनं मिळवलेला आणि टेड चिआंग या विज्ञान लेखकानं लिहिलेल्या ‘स्टोरी ऑफ युवर लाईफ’ या अतिशय गाजलेल्या कादंबरीवरचा ‘अरायव्हल’ हा ५ महिन्यांपूर्वी ्प्रदर्शित झालेला चित्रपट आज बघायचाच असं ठरवलं आणि बघितला. पुढे वाचा